Sýn hefur komið upp öflugu háhraða netsambandi á helstu fiskimiðum við Íslandsstrendur. Með uppbyggingunni getur Sýn veitt sjófarendum fyrsta flokks netþjónustu, sem eykur bæði öryggi og lífsgæði.  Viðbragðsaðilar og mörg af stærstu sjávarútvegsfyrirtækjum landsins hafa valið Sýn til að sinna fjarskiptaþjónustu sinni. 

Sjósambandslausnum Sýnar fylgir fyrsta flokks netbúnaður sem er tengdur við loftnet á viðkomandi skipi til að tryggja hámarksgæði tengingar. Hægt er að tengja fjölda tækja á borð við snjallsíma og spjaldtölvur við búnaðinn og þannig deila sambandinu milli margra í einu.  Ef óskað er eftir er hægt að stilla tenginguna þannig að hún mæli sérstaklega notkun hvers einstaklings um borð.