Við erum VODA stolt að segja frá því að Sýn hefur fengið staðfestingu á vottun um upplýsingaöryggi samkvæmt alþjóðlega staðlinum ISO/IEC27001:2013. KPMG í Finnlandi og á Íslandi voru vottunaraðilar.

Vottunin staðfestir að Sýn er með virkt stjórnkerfi sem að tryggir stjórnun á öryggi upplýsinga, stöðugleika í rekstri upplýsingakerfa, reglulega fræðslu og þjálfun starfsfólks og stöðugar umbætur.

„Mikil vinna liggur á bak við virkt stjórnkerfi upplýsingamála og það er aðeins vinna samhents hóps starfsfólks og sameiginlegra markmiða er snúa að upplýsingaöryggi sem skilar okkur þeim mikilvæga árangri að fá endurnýjun á vottuninni,“ segir Ingigerður Guðmundsdóttir gæða- og öryggisstjóri Sýnar.

„Það er mikilvægt fyrir fjarskiptafyrirtæki að hafa vottun um upplýsingaöryggi enda snúa helstu áskoranir í upplýsingatækni í dagað öryggi. Íslensk fyrirtæki og einstaklingar treysta Vodafone fyrir öruggum tengingum og að tryggja persónuvernd í viðskiptum. Við leggjum því mikla áherslu á upplýsingaöryggi í öllum okkar verkefnum og er vottunin ákveðin sönnun til okkar viðskiptavina um að við vinnum faglega og ötullega að þessum málum,“ segir Sesselía Birgisdóttir framkvæmdastjóri hjá Vodafone.