Á síðustu vikum höfum við hjá Vodafone farið í mikilvæga vinnu við að bæta 4G/5G dreifikerfið um land allt. Útbreiðsla og afkastageta 4G/5G dreifikerfisins hefur meðal annars verið aukin á Snæfellsnesi, Stykkishólmi, Grundarfirði og Ólafsvík, Sauðárkróki, Hvammstanga, Höfn í Hornafirði, Borgarfirði og víðar og munum við halda áfram uppbyggingu af krafti út árið. 4G/5G dreifikerfi Vodafone hefur stækkað mikið undanfarin ár en árið 2016 náði það til 95% landsmanna. Í dag, 6 árum seinna, erum við komin vel yfir 99%. Í 5G-væðingunni höfum við haft upplifun viðskiptavina að leiðarljósi og erum gríðarlega stolt af þeirri uppbyggingu sem hefur átt sér stað síðustu ár. Við munum halda áfram að tryggja viðskiptavinum okkar um land allt gæðaþjónustu í fjarskiptum.